Թունաքիմիկատների որակի վերահսկման լաբորատորիա
- Տեսակ:
- Հասարակական / Առողջապահական
- Տարեթիվ:
- 2013
- Մակերես:
- 210 քմ
- Բյուջե:
- $ 200'000
- Փուլ:
- Իրականացված
- Դիրք:
- ՀՀ, Երևան, Էրեբունի 12
Կոնտակտների համար անցեք տեղեկատվություն էջը
Թունաքիմիկատների լաբորատորիայի նախագիծը կատարվել է ՄԱԿ-ի FAO միջազգային կազմակերպության առաջադրանքով` ՀՀ Գյուղատնտեսության Նախարարության Սննդի Անվտանգության Պետական Ծառայության տարածքում: 200 քմ մակերեսով մեկ հարկանի լաբորատորիայի նոր շենքի կառուցման համար նպատակահարմար գտնվեց այդ տարածքի հարավ-արևմտյան հատվածը:
Հաշվի առնելով բյուջեի խիստ սահմանափակումը, նախագծով առաջարկվեցին կոնստրուկտիվ նորարարական լուծումներ: Առաջարկվեց հնարավորինս թեթևացնել շենքի ծածկի կոնստրուկցիաները համատեղելով տանիքի հետ: Այս լուծումը բերեց հիմքերի չափերի կտրուկ նվազեցման:
Հիմքերը և կարկասի սյուները երկաթբետոնե են, իսկ հեծանները և հարթ տանիքի կոնստրուկցիաները մետաղական են՝ ծածկված 100մմ հաստությամբ «սենդվիչ» սալերով:
Լաբորատորիայի ֆունկցիոնալ կապերը կատարված են ըստ առաջադրանքի: Հաշվի են առնված բոլոր անվտանգության կանոնները: Լուսամուտները առաջարկվել է իջեցնել մինչև հատակ, ինչը հնարավորություն է տալիս բոլոր լաբորատոր սենյակներից ունենալ էվակուացիոն ելքեր:
Որոշ սենյակներ, որոնք հարում են տարածքը սահնազատող պարսպին լուսավորվում են տանիքից: